Që në fillim të karrierës, stilisti i talentuar libanez Ziad Nakad ka dashur gjithmonë të sublimojë gratë, përmes krijimeve të çmuara dhe të përjetshme. Andaj, zgjedhja e modeleve nga Franca, Australia, Gjeorgjia, Shtetet e Bashkuara, Gjermania, Holanda dhe Koreja, në rrugëtimin e tij ishte vendimtare. Kreatori dëshironte një panel femrash nga e gjithë bota për të theksuar faktin se bukuria është universale.

Fustani prijës i koleksionit ishte simbol i dritës, i cili lind nga errësira. Realisht, në gjithë koleksionin gjejmë frymën e disenjatorit të shkathët, që veçohet për supet e përmasave të mëdha, belin e theksuar, shoqëruar me rripa bizhuteri dhe qëndisje. Fustanet janë krijuar si mozaikë, të qepur çdo milimetër me kujdes në atelienë e tij në Bejrut. Ju nevojitën 6 muaj punë dhe një numër i pallogaritshëm orësh për të krijuar një fustan që është një arkitekturë perfekte, e cila formon siluetën madhështore të gruas moderne. Materialet më delikate, si tyli, tafti dhe dantella nxjerrin në pah strukturat e fustanit, duke krijuar njëkohësisht një profil unik. Një linjë aksesorësh si rripi Swarovski dhe vathët e mëdhenj plotësojnë padyshim imazhin.

Photographer: Greg Alexander 
Art Director: Sébastien Vienne