Mbrëmjen e parë të muajit maj, në eventin Met Gala 2023, i cili u mbajt në Nju Jork, këngëtarja kosovare Dua Lipa kishte paraqitje mahnitëse, veshur në fustanin e bardhë klasik nga brendi Chanel, i cili ishte i dizenjuar nga kreatori i ndjerë Karl Lagerfeld, për koleksionin Chanel vjeshtë/dimër 1992.
Shtatlarta 27 vjeçare, fituese e Grammy-t, tërhoqi vëmendjen e të pranishmëve me gjerdanin masiv nga diamanti 200 karatësh krijuar nga kompania Tiffany & Co. Imazhin e saj , gjithashtu e kishte plotësuar unaza 9 karatëshe nga diamanti.
Për të festuar ngjarjen e këtij viti, Lipa zgjodhi fustanin i cili për herë të parë ishte bërë i famshëm nga supermodelja Claudia Schiffer, e cila e kishte veshur atë, në sfilatën e modës Chanel në vitet 1995-1996.
© REVISTA TEUTA. Të gjitha të drejtat janë të rezervuara.
Revistë Moderne për Gruan Dhe Familjen
"Revista TEUTA"
Prishtinë, Kosovë
