Përqendroheni me vështirësi? Kjo është shenjë se ju mungon vitamina E. Arsyeja pse ju bie përqendrimi me siguri qëndron te përdorimi i pamjaftueshëm i vitaminës E. Për fat, kjo vitaminë mund të gjendet në ushqimet e preferuara dhe në këtë mënyrë mund të përmirësohet produktiviteti në punë ose përqendrimi gjatë mësimit.
Kafeja: Të gjithë e duam kafenë, aromën e saj dhe shijen që na freskon. Dita jonë kurrë nuk fillon pa kafenë e mëngjesit. Kafeja përmban përbërësin që quhet kafeinë, e cila e rrit nivelin e oksigjenit në gjak, na bën më të kujdesshëm dhe na ndihmon që të fokusohemi.
Vezët: Veza është një nga ushqimet që ndihmon të fokusohemi. Kolina që gjendet në të verdhën e vezës është përgjegjës për përforcimin e përqendrimit.
Panxhari: Është perim i ëmbël i shkëlqyer për trurin! Panxhari përmirëson aftësitë konjitive dhe përmirëson fokusin e përqendrimit.
Çokollata e zezë: Konsumimi i disa katrorëve të çokollatës së zezë çdo ditë, përfundimisht mund të rrisë fokusin dhe përqendrimin. Çokollata e zezë përmban kafeinë dhe e rrit zgjuarsinë, ndërsa prania e magnezit në të ndihmon që të largohet stresi.
Arra: Sipas hulumtimeve të paradokohshme, arrat mund ta përmirësojnë përqendrimin. Vitaminat dhe mineralet e pranishme në arra, kanë aftësinë që ta rrisin memorien dhe përqendrimin.
Banania: Bananet, gjithashtu, ndihmojnë shtimin e përqendrimit, sepse janë të pasura me kalium dhe me minerale esenciale, të cilat e ruajnë trurin dhe sistemin nervor.
Çaji i gjelbër: Studimet tregojnë se çaji i gjelbër po ashtu e përmirëson humorin dhe përqendrimin. Lirisht përdoreni çajin e gjelbër.
© REVISTA TEUTA. Të gjitha të drejtat janë të rezervuara.
Revistë Moderne për Gruan Dhe Familjen
"Revista TEUTA"
Prishtinë, Kosovë
