Flokët e shkurtër
Flokët e shkurtër më së shpeshti janë shprehje e guximit, kështu që i zgjedhin kryesisht ata me vetëbesim të lartë. Gjithashtu, gratë që mbajnë flokë të shkurtër janë shumë komunikative, të këndshme dhe lehtë zënë miqësi. Problemet i zgjidhin qetë dhe ndershëm, ndërsa i duan punët ku manifestohet inteligjenca e tyre.

Gjatësia e flokëve deri mbi supe
Flokët e gjatë deri mbi supe janë zgjedhje e grave të sinqerta, të cilat nuk e durojnë rutinën, dëshirojnë të fitojnë përvoja të reja dhe nuk kanë komplekse. Përveç kësaj, kjo gjatësi i përshkruan gratë të cilat i balancojnë shumë mirë punët ndërmjet jetës private dhe punës zyrtare.

Flokët deri në supe
Flokët deri në supe më së shpeshti i zgjedhin damat elegante me pamje të sofistikuar dhe shumë femërore. Kjo gjatësi flokësh flet për personat që dëshirojnë të jenë në qendër të vëmendjes, flasin shumë dhe i vlerësojnë tepër mikeshat e tyre, të cilat gjithherë i vënë në vend të parë.

Flokët e gjatë
Nëse jeni pronare krenare e flokëve të gjatë, ju jeni ëndërrimtare e madhe dhe nuk lini gjë t’ju pengojë në rrugën për të arritur realizimin e ëndrrave tuaja. Femrat me flokë të gjatë në dashuri kërkojnë lidhje jetëgjatë dhe japin çdo gjë nga vetja, porse janë shumë zgjedhëse dhe kërkuese me rastin e zgjedhjes së partnerit.

© REVISTA TEUTA. Të gjitha të drejtat janë të rezervuara.