Ti je ketu: Ballina > Aktuale > 5 dhurata të mira për femrën e jetës suaj!
Opinion
5 dhurata të mira për femrën e jetës suaj!

Kërkoni ndonjë dhuratë ideale për – miken tuaj, për nënën, motrën, mbesën? Ja disa propozime argëtuese…

 

ÇANTAT: Kur bëhet fjalë për rrobat, nga pak është e vështirë të dhurohen. Rrezikoni se mund të mos ia qëlloni numrit ose modelit. Kështu që shtesat e modës janë zgjidhje e qëlluar. Nëse nuk jeni të sigurt për shijen e dikujt, gjithherë mund të përdorni klasikën – çantën e zezë me detaje jo të tepruara. Mjafton ta njihni stilin minimal të personit që do t’ia dedikoni dhuratën dhe zgjedhja juaj do të jetë më e lehtë. Sivjet, tregu është i mbushur me çanta të mrekullueshme.

SHALLET: Shallet e ndryshme përsëri janë në modë. Këtë vit, më të dëshirueshmet janë modelet pak ekstravagante, me të cilat mund të bëhen pikërisht këto kombinime mode. Domethënë, së pari mësojeni shijen e personit që do t’ia dhuroni dhe bëni këto kombinime: printime shtazore, materiale me kuti ose me pika a peliçe artificiale. S’ka kufij!

PARFUMI: Sigurisht e dini se me një parfum të mirë, asnjëherë nuk do të gaboni. Në fakt, kjo është një dhuratë klasike, që gjithmonë ia vlen të dhurohet. E vetmja gjë e rëndësishme është t’ua qëlloni notave të aromës, që i adhuron personi të cilit ia dhuroni. Domethënë, para se të niseni për blerje, vërtetojeni mirë a i preferon parfumet e lehta apo të forta, a i do më shumë notat e pemëve apo të drurëve. Kur ta kuptoni këtë, atëherë para jush është detyra më e lehtë.

BUZËKUQI CILËSOR
Kur është fjala për kozmetikë, gratë janë shumë komplekse dhe gjërat i marrin seriozisht. Nuk mund t’ju këshillojmë që të rrezikoni me blerjen e pudrës dhe korrektorit, sepse mund të mos ia qëlloni nuancës ose tipit të lëkurës. Ndërsa, me buzëkuqin cilësor, nuk mund të gaboni. Gjithherë mund të zgjidhni ngjyrën e kuqe klasike, ndërsa ngjyra e trëndafiltë ose ngjyra e mishit janë klasikë moderne.

BIZHUTERIA: Sivjet, bizhuteritë janë trend i modës, si asnjëherë më parë – vathët e mëdhenj në nuancë metalike, qaforet me rruaza të mëdha, hallhallet dhe unazat. Mirëpo, gjëja e parë është ta kuptoni se çfarë mban personi të cilit ia dhuroni. Kjo është punë e lehtë. Shikoni fotografitë më të reja dhe vërejeni çfarë ka përdorur. Kjo do t’ju ndihmojë të bëni zgjidhje të përkryer.

 

 © REVISTA TEUTA. Të gjitha të drejtat janë të rezervuara.

#RevistaTEUTA

 

Ju gjithashtu mund të jeni të interesuar në..

 

 

Revista TEUTA

Revistë Moderne për Gruan Dhe Familjen
"Revista TEUTA"
Prishtinë, Kosovë

 

 

Të gjitha të drejtat e portalit www. revistateuta.com janë të rezervuara.
Asnjë material, nuk mund të shfrytëzohet, kopjohet, riprodhohet, publikohet në asnjë mënyrë nga ndonjë portal apo ndonjë medium tjeter pa leje të shkruar nga TEUTA.
Të gjithë shkelësit e këtyre të drejtave do të ballafaqohen me ligjin. COPYRIGHT TEUTA
Kontakt: info@revistateuta.com  www.revistateuta.com
Prishtinë, Kosovë
 

Mobile Version | Desktop Version