Për stinën Pranverë-Verë 2021, Virginie Viard imagjinoi një koleksion sa modern aq edhe klasik. Kriza aktuale COVID-19 nuk e ndaloi shtëpinë e modës CHANEL të shprehte kreativitetin e pafund, por përkundrazi hapi dyert për sharmin madhështor. Besnik ndaj konceptit të kinematografisë, shtëpia franceze bashkoi forcat me fotografët holandezë: Inez van Lamsweerde dhe Vinoodh Matadin për të xhiruar video dhe për të bërë një set fotografik.

Shfaqja dëshmoi se CHANEL nuk mund të zhgënjejë kurrë. Sapo koleksioni u shfaq në pistë, një atmosferë moderne takoi retro’n. Duke na kujtuar epokën e artë të kinemasë, koleksioni përmbante pantallona të shkurtë – bermude, të shoqëruara me bluza dhe xhaketa, veshje të drejtpërdrejta, midifunde asimetrike dhe natyrisht, një shkëlqim të mahnitshëm dhe të përshtatshëm për ahengje verore të shumëpritura. Aksesorët si syzet e diellit dhe shiritat e kokës me rrjetë, çiftëzoheshin bukur me koleksionin. Dhe ashtu si çdo herë, CHANEL dëshmon se krijimtaria nuk njeh kufi.

© REVISTA TEUTA. Të gjitha të drejtat janë të rezervuara.