Në shenjë përshëndetjeje lamtumirëse

Po u përmend Ana Frank, artdashësve të dikurshëm të artit dramatik, patjetër do t’u shpërfaqet aktorja Leze Qena, rolin e së cilës e luajti me aq përkushtim në moshë rinie, si të ishte vetë Ana! Një rol i ëndërruar, që, veç të tjerash, i përshtatej edhe fizikut të saj… Nga ajo kohë kanë kaluar shumë vjet, mbi pesëdhjetë, sikurse shumë përjetime jete, që nuk i sjell veç aktrimi. Lezja është një grua e hareshme, përherë e qeshur, e gëzueshme, veti këto që i dhanë përmbajtje e kuptim jetës së saj…